रामेछाप- रामेछाप जेसिज वर्ष २०२४ को अध्यक्षमा सन्तोष खत्री निर्वाचित भएका छन् । शुक्रवार मन्थलीमा सम्पन्न ९ औँ शाखा अधिवेशनबाट खत्री अध्यक्षमा निर्विरोध निर्वाचित भएका हुन् । त्यस्तै गरी कार्यकारिणी उपाध्यक्षमा कुमार श्रेष्ठ र संगीता श्रेष्ठ निर्वाचित भएका छन् भने उपाध्यक्षमा क्रमशः मनीषा काफ्ले, सरल घिमिरे, ईश्वर अधिकारी र अमन बुढाथोकी सर्वसम्मत निर्वाचित भएका छन् ।
त्यस्तै कानुनी सल्लाहकारमा बिमल पौडेल, महासचिवमा यादव केसी, कोषाध्यक्षमा भरत श्रेष्ठ, सह–महासचिवमा राजन कुमार कार्की र सह–कोषाध्यक्षमा विनोद रोका मनोनित भएका छन् ।
नवनिर्वाचित अध्यक्ष खत्रीले आफ्नो कार्यकालमा रामेछाप जेसिजको विधि र विधान भित्र रहेर संस्थाको कामलाई अगाडि बढाउने बताएका छन् । नेपाल जेसिज स्वयंसेवी संस्था भएकाले समाज रूपान्तरणको लागि आफू र आफ्नो टिमले स्वयंसेवीको रूपमा काम गर्ने प्रतिबद्धता जनाए । युवाहरूको नेतृत्व र व्यक्तित्व विकासको लागि रामेछाप जेसिजले वर्ष २०२४ मा विभिन्न तालिमको आयोजना गर्ने योजना पहिलो प्राथमिकतामा राखेको पनि अध्यक्ष खत्रीले बताए ।
अध्यक्षमा निर्वाचित भएका खत्री रामेछाप जेसिज वर्ष २०२३ को कानुनी सल्लाहकार रहेका थिए ।
