रामेछाप- नेकपा एमालेले बैशाख ३० गते हुने स्थानीय तहको निर्वाचनलाई लक्षित गरेर आफ्नो पार्टीबाट उम्मेद्वार बनेका उम्मेद्वारले चुनाव जितेमा पाँच वर्ष भित्र गरिने कामको योजना सहितको प्रतिवद्धता पत्र सार्वजनिक गरेको छ ।
एमाले रामेछापले बुधबार सदरमुकाम मन्थलीमा पत्रकार सम्मेलन गरेर ८ ओटै पालिकालाई समेट्दै समग्र जिल्लामा गरिने विकासको खाका सहित आफ्ना उम्मेद्वाहरुको प्रतिवद्धता पत्र सार्वजनिक गरेको हो ।
समग्र जिल्लाको विकास स्थानीय तहबाट मात्रै सम्भव भएको निष्कर्ष निकाल्दै एमालेले स्थानीय तहमा सहज सेवा प्रवाह गर्न प्रविधियुक्त पूर्वाधार निर्माण देखि भूमी हिनलाई जग्गा उपलब्ध गराएर उनीहरुलाई व्यवस्थित बसोबासको प्रवन्ध मिलाउने सम्मको योजना प्रतिवद्धता पत्रमा उल्लेख गरेको छ ।
प्रतिवद्धता पत्र सार्वजनिक गर्दै नेकपा एमाले रामेछापका अध्यक्ष आनन्द कुमार श्रेष्ठले बैशाख ३० गते हुने स्थानीय तहको निर्वाचन एमालेका लागि केही संख्यामा जनप्रतिनिधि चयनको विषय मात्रै नभएको बताउँदै निर्वाचन जनताको विकास र समृद्धिको चाहना पूरा गर्ने उएटा माध्यमको रुपमा रहेको धारणा व्यक्त गरे । अध्यक्ष श्रेष्ठले ८ पालिका र ६४ वटा वडाका अधिकासं उम्मेद्वार छनौट सर्वसम्मत गरिएको र त्यस्ता उम्मेद्वारहरु त्यहाँ काम गर्न सक्ने योग्य उम्मेद्वारहरु भएकाले धेरै ठाउँमा एमालेको जित निश्चित रहेको दावी गरे ।
बैशाख ३० गते हुने स्थानीय तहको निर्वाचनमा रामेछाप जिल्लामा नेकपा एमालेको मुख्य प्रतिस्पर्धी पार्टीको रुपमा नेपाली काँग्रेस रहेको पनि अध्यक्ष श्रेष्ठले पत्रकार सम्मेलनमा जानकारी गराए ।
यस्तो छ नेकपा एमाले रामेछापको प्रतिवद्धता पत्र
