रामेछाप– २०६२ सालदेखि महिलाहरुको समूहले पाँच रुपैयाँका दरले पैसा उठाएर सुरु गरेको सहकारीले १४ वर्षमा आइपुग्दा झण्डै एक करोड ३० लाखको हाराहारीमा कारोबार गर्न सफल भएको छ । साविकको रामेछाप गाविसका केही स्थानीय महिलाहरुको स–साना समूह बनाएर पाँच रुपैयाका दरले पैसा उठाएर सुरु गरिएको समाज सेवा जागृत महिला बचत तथा ऋण सहकारी संस्थाले १४ वर्षको अवधिमा एक करोड २९ लाख १६ हजार ८ सय ६९ रुपैया बराबरको कारोरबार गर्न सफल भएको छ ।
संस्थाकी कोषाध्यक्ष कल्पना देवकोटाले आर्थिक वर्ष २०७७/०७८ को आर्थिक प्रतिवेदन प्रस्तुत गर्दै सहकारीको शेयर पुँजि ३ लाख २ हजार १ सय रुपैयाँ, ऋण लगानी १ करोड २ लाख २४ हजार ५ सय रुपैयाँ, बचत संकलन ९६ लाख ५७ हजार ६ सय ९७ रुपैयाँ, ऋण सुरक्षा कोष ८२ हजार ७४ रुपैयाँ, भाका नाघेको ऋण ३ दशमलव ४२ प्रतिशत, गत आर्थिक वर्षको खुद नाफा ४६ हजार ९२ रुपैयाँ रहेको र सहकारीले १४ वर्षको अवाधिमा १ करोड २९ लाख १६ हजार ८ सय ६९ रुपैयाँ बराबरको संस्थाले गरीरहेको बताइन् ।
केही महिलाहरुको समूहबाट सुरु भएको सहकारीमा हाल ५ सय ५१ जना महिला शेयर सदस्य रहेको संस्थाकी सचिव निरमाया शाहीले जानकारी गराइन् । सहकारीमा किशोरी सदस्य र बालिका सदस्य समेत रहेको सचिव शाहीले बताइन् । सचिव शाहीले सहकारीले विगत देखि संचालन गरीरहेका कार्यक्रमलाई निरन्तरता दिने र सदस्यहरुको आयआर्जनमा थप सहयोग पु¥याउने कार्यक्रमहरु ल्याइने लगायतका कार्यक्रमहरु समवेश भएको प्रतिवेदन प्रस्तुत गरेकी छिन् ।
सदस्यहरुको व्यक्तिगत एवं सामुहिक क्षमता अभिबृद्धी गरी स्वाबलम्बी र आत्मनिर्भर समाजको निर्माणमा योगदान पु¥याउने मुख्य उद्देश्यसहित खोलिएको सहकारीले हाल सदस्यहरुको माग अनुसार कृषि, पशुपंक्षी, ब्यापर जस्ता उत्पादनशिल क्षेत्रमा ऋण लगानी, कोसेली घर संचालन, मनोबिमर्श केन्द्र संचालन, किशोरी परामर्श कार्यक्रम संचालन, जनचेतनामूलक कार्यक्रमहरुमा सहभागी लगायतका कार्यहरु गरीरहेको लेखा सुपरिवेक्षक समितिकी संयोजक चन्दा खड्काले बताइन् ।
सहकारीकी अध्यक्ष लक्ष्मी घिसिङ तामाङको अध्यक्षता रामेछाप नगरपालिकाकी उपप्रमुख सृजना खड्को प्रमुख आतिथ्यता एवं रामेछाप नगरपालिकाका प्रमुख प्रशासकीय अधिकृत रामचन्द्र लामगादेको विशिष्ट आतिथ्यतामा भएको कार्यक्रममा १३ जना संस्थापक शेयर सदस्य र रामेछाप नगरपालिका महिला बालबालिका तथा जेष्ठ नागरिक शाखाका दुई जना कर्मचारीलाई सम्मान समेत गरिएको छ । त्यस्तै संस्थाले सहकारीमा शेयर सदस्य रहेका र विभिन्न समयमा मृत्यु भएकाका ८ जनालाई प्रति शेयर सदस्य ५ हजार नगद सहित सम्मान गरेको छ । विभिन्न समयमा सहकारीलाई सयोग पु¥याएको भन्दै रामेछाप नगरपालिकाका प्रमुख प्रशासकीय अधिकृत रामचन्द्र लामगादे र पत्रकार रामचन्द्र वि.क.लाई मायाको चिनो प्रदान गरेको छ ।
साविकको रामेछाप गाविसमा २०६२ सालमा मिरा घिमिरको अध्यक्षतामा ५३ तदर्थ समितिबाट सुरु भएको सहकारी महिलाहरुले संचालन गरेका सहकारी मध्ये जिल्लाको एक सक्रिय सहकारीको रुपमा परिचित रहेको छ ।
