रामेछाप– रामेछापको गोगुलगंगा गाउँपालिका वडा नं २ ठोसेमा किपाले शेर्पाको घरमा आगलागी हुँदा उनको आमाको ज्यान गएको छ । चोरपातलमा गएराती २ बजे आगलागी हुँदा ९५ वर्षिय पासाङलेकी शेर्पाको ज्यान गएको हो ।
पासाङलेकी शेर्पा सुतीरहेको घरमा आगो लागेछ, गाउँपालिका अध्यक्ष खड्ग बहादुर सुनुवारले भने,‘उहाँको परिवारलाई घरमा आगो लागेको थाहा नहुँदा उहाँलाई उद्दार गर्न सकिएन । त्यसैले उहाँको ज्यान गयो ।’
घरमा आगलागी भएको थाहा पाउने वित्तिकै मंगलबार विहानै मृतकको घरमा पुगेर घटनको बारेमा जानकारी लिएको अध्यक्ष सुनुवारले बताए । अध्यक्ष सुनुवारका अनुसार दुई ओटा घरमा आगलागी हुँदा मानविय क्षतिसँगै लाखौँको धनमाल जलेर नष्ट भएको छ ।
मृतकका परिवारलाई गाउँपालिकाले ५० हजार नगद सहित खाद्यन्न र लत्ताकपडा सहयोग गरिने पनि अध्यक्ष सुनुवारले बताए ।
