रामेछाप- नेपाली काँग्रेस रामेछापका युवा नेता सुरेश सुवेदीले केन्द्रीय महाधिवेशन प्रतिनिधिमा उम्मेदवारी घोषणा गरेका छन् । असोज १६ गतेदेखि १९ गते सम्म चल्ने केन्द्रीय महाधिवेशनमा भाग लिने गरी उनले रामेछापबाट खस-आर्य तर्फको कोटाबाट उम्मेदवारी घोषणा गरेका हुन् । विद्यार्थी राजनीतिबाट काँग्रेसको राजनीतिमा आएका सुवेदी २०६३ सालमा नेपाल विद्यार्थी संघको क्षत्रिय सभापति भएपश्चात् उनी राजनीतिमा थप सक्रिय भएका हुन् । सुवेदी २०७० सालमा नेपाल विद्यार्थी संघ रामेछापको जिल्ला उपाध्यक्ष समेत बनेका थिए ।
नेपाली काँग्रेसको १४औँ महाधिवेशनबाट विद्यार्थी राजनीति छोडेर मूल पार्टीको राजनीतिमा देखिएका सुवेदीले १४औँ महाधिवेशनमा नेपाली काँग्रेस रामेछापको जिल्ला कार्य समिति सदस्य हुँदै प्रशासन शाखा प्रमुख भएर काम गरिसकेका छन् ।
नेपाली काँग्रेसको संगठन सुधार तथा पार्टीका विभिन्न गतिविधि लिएर जिल्लाका सबै वडामा आफू पुगेको र त्यहाँका सार्वजनिक समस्या र पार्टीका आन्तरिक समस्याको बारेमा आफू पूर्ण जानकार रहेको बताउँदै उनले गाउँका सार्वजनिक समस्या र पार्टीका आन्तरिक समस्या समाधानको लागि पार्टी केन्द्रसँग विषय उठान गर्ने प्रतिबद्धता उल्लेख गरेका छन् ।
महाधिवेशनमा उम्मेदवारी दिएका सुवेदीले त्रिभुवन विश्वविद्यालयबाट समाजशास्त्रमा स्नातकोत्तर पढाइ पूरा गरिसकेका छन् ।
रामेछापको मन्थली नगरपालिका वडा नं ३ कठजोरका सुवेदीले नेपाली काँग्रेस रामेछापका सबै वडाका प्रतिनिधिहरूलाई जिल्ला अधिवेशनमा केन्द्रीय महाधिवेशनमा मत दिएर विजय गराउन अनुरोध गरेका छन्
२०६३ सालमा नेपाल विद्यार्थी संघको क्षत्रिय सभापति हुनु पर्नेमा अन्यथा भएकोले सच्याइएको छ ।
सम्पादक
