रामेछाप- मन्थली मावि विद्यालय ब्यबस्थापन समितिको अध्यक्षमा कुमार श्रेष्ठ चयन भएका छन् । सोमबार बसेको ब्यबस्थापन समितिको बैठकले श्रेष्ठलाई चयन गरेको हो । अध्यक्षको मनोनयन अगाडि समितिको जेष्ठ सदस्य एवं मन्थली नगरपालिका वडा नं १ का वडाध्यक्ष होम प्रसाद पौडेल (रामहरी) को अध्यक्षतामा बसेको बैठकले कुमार श्रेष्ठ र मञ्जु लुइँटेललाई मनोनयन गरिएको र त्यसपश्चात मनोनित जेष्ठ सदस्य कुमार श्रेष्ठको अध्यक्षतामा बसेको बैठकले श्रेष्ठलाई नै अध्यक्ष बनाइएको मन्थली माविका प्रधानाध्यापक टंकप्रसाद दाहालले बताए ।
प्रतिस्पर्धात्मक शिक्षा प्रणालीलाई प्राथमिकतामा राखेर काम गर्छु- अध्यक्ष श्रेष्ठ
समितिको अध्यक्षमा मनोनयन भएपछि आफ्नो धारणा राख्दै श्रेष्ठले भने,”जिल्लाको एउटा नमूना विद्यालय हो, यसलाई थप गुणात्मक रुपमा विकास गर्छौं । शिक्षाका सरोकारवाला निकायहरुसँग समन्वय गरेर अगाडि बढ्छौ ।”
श्रेष्ठले विद्यालयलाई यो अवस्थासम्म ल्याउन गरिएका राम्रा प्रयास निरन्तरता दिँदै सबै क्षेत्रसँगको सहकार्यमा काम गर्ने प्रतिबद्धता जनाए । जिल्लाको सदरमुकाममा रहेको मन्थली माविमा २ हजारको हाराहारीमा विद्यार्थीहरू रहेका छन् ।
यस्तो छ समिति
अध्यक्ष- कुमार श्रेष्ठ
सदस्य- होम प्रसाद पौडेल (अध्यक्ष- मन्थली नगरपालिका वडा नं १)
सदस्य- नविन कुमार थापामगर( अध्यक्ष- रामेछाप उद्योग वाणिज्य संघ)
सदस्य- जयप्रकाश श्रेष्ठ (विशिष्ट सदस्य- रामेछाप उद्योग वाणिज्य संघ)
सदस्य- टंकप्रसाद दाहाल (प्रअ- मन्थली मावि)
सदस्य- डल्ले माझी ‘राजकुमार’ (निर्वाचित)
सदस्य- गणेश माझी (निर्वाचित)
सदस्य- उर्मिला भुजेल (निर्वाचित)
सदस्य- बिमला माझी (निर्वाचित)
सदस्य- सुरेन्द्र केसी (शिक्षक प्रतिनिधि)
आमन्त्रित सदस्य- (अध्यक्ष- मन्थली मावि बाल क्लब)
आमन्त्रित सदस्य- (सदस्य- मन्थली मावि बाल क्लब)
आमन्त्रित सदस्य- (अध्यक्ष- सानीमदौ सामुदायिक वन)
आमन्त्रित सदस्य- (अध्यक्ष- शिक्षक अभिभावक संघ)
