नेपाल बजार बिक्री प्रतिनिधि संघको २३ओैँ स्थापना दिवस र आजको अवस्था

नेपाल बजार बिक्री प्रतिनिधि संघ (नाम्स ) को २३ओैँ स्थापना दिवस लाई देशव्यापी सप्ताहको रूपमा विविध सामाजिक सेवाका कार्य गर्दै मनाउँदै गर्दा साँचै नै एक खालको हर्ष उल्लास छाएको छ। बजार प्रतिनिधिहरू बजारमा काम गर्दै गर्दा उत्पन्न बाधा अवरोह लाई आत्मसात् गर्दै केही कम्पनीमा कार्यरत बिक्री प्रतिनिधिहरूको दृढ परिकल्पनामा “उद्योग व्यवसायको रक्षा गरौँ रोजगारी सृजना गरौँ” भन्ने मूल नाराका साथ २०५८ सालमा कास्की जिल्लाको पोखरामा दर्ता भई स्थापित एक सङ्गठन हो ।

यस सङ्गठनको काम र कर्तव्यहरूका बारेमा प्रष्ट नीति नहुँदा केही अन्यौलता सृजना भएको थियो भने हाल उक्त सङ्गठनले विधान/कानुन निर्माण गरी विधान बमोजिम हरेक गतिविधि गरिरहेको पाइन्छ । हाल सातै वटा प्रदेश र २७ शाखा तथा इकाईहरू गठन गरी देशव्यापी रूपमा फैलिएको छ भने केही इकाईहरु गठन हुने प्रक्रियामा रहेका छन्। नाम्सको आबद्ध भइरहँदा एउटा कुनै पनि कम्पनी मान्छे सेल्समा काम गरिरहँदा निर्बाध रूपमा काम गर्न सक्ने वातावरण सृजना यस नाम्सले गरेको पाइन्छ । यस सङ्गठनमा जोडिँदै गर्दा कम्पनी र बजारको मध्यस्थकर्ताको काम गर्ने काम यस सङ्गठनमा आबद्ध सदस्यहरूको हो । राष्ट्रिय एव बहुराष्ट्रिय कम्पनीहरूको बजार बिस्तार एवं उत्पादकत्व वृद्धि गर्नका निम्ति हरेक कम्पनीहरूमा बजार प्रतिनिधिहरूको जरुरत पर्दछ । यस प्रतिष्ठित पेशामा हरेक शिक्षित मान्छेको आगमन भइरहेको छ भने यस पेशालाइ एक प्रतिष्ठित पेशाको रूपमा पनि लिन सकिन्छ ।

हाल देश आर्थिक मन्दीको चपेटामा परेको छ । नेपाली बजार मन्दी कारण केही साना कम्पनीहरू बन्द भइसकेका छन् भने बजारमा केही हिस्सा ओगटेका केही कम्पनीको समेत अवस्था दयनीय छ । सरकारको प्रष्ट धारणा नहुँदा नेपाली उद्योग ब्यासमाया ठुलो समस्या निम्तिएको पाइन्छ । नेपालमा उद्योग व्यवसायको सम्भारयता लाई मध्ये नजर गरी योजना निर्माण गरिनु पर्दछ । वैदेशिक रोजगारीमा युवा जमात को वृद्धि हुनुको मुख्य कारण भनेको नै नेपालका उद्योग ब्याबसायहरुको यथोचित विकास हुन नसक्नु हो । अबका दिनहरूमा देशका सम्पूर्ण कलकारखाना उद्योग धन्दालाई नियमित रूपमा सञ्चालन गरी वैदेशिक रोजगारीमा लिप्त युवाहरूको ध्यान लाई स्वदेश मै लगाउन सरकारको तर्फबाट ध्यान केन्द्रीकृत गर्नु जरुरत छ । तब मात्रै नाम्स भनेर गौरव का साथ २३ओैँ स्थापना दिवस मनाएको अस्तित्व रहन्छ । साथै स्थापना दिवसको अवसरमा सम्पूर्णमा हार्दिक शुभकामना व्यक्त गर्दछु ।

(लेखक: दुर्गा भुजेल नेपाल बजार बिक्री प्रतिनिधि सङ्घका तनहुँ/गोर्खा /लमजुङ शाखाका पूर्व अध्यक्ष हुनुहुन्छ )