रामेछाप- रामेछाप जेसिज वर्ष २०२० का अध्यक्ष गोपाल खड्काले सेतीदेवी माविका बिद्यार्थीलाई शैक्षिक तथा खेलकुद सामाग्री सहयोग गरेका छन् । मन्थली नगरपालिका वडा नं ४ सालुको सेतीदेवी माविका बिद्यार्थीलाई खड्काले मंगलबार बिद्यालयमै पुगेर शैक्षिक तथा खेलकुद सामाग्री सहयोग गरेका हुन् ।
कार्यक्रममा बोल्दै खड्काले आफू पनि त्यहि बिद्यालयमा पढेको स्मरण गर्दै अफ्टेरोमा परेका विद्यार्थीहरूलाई सहयोग पुर्याउने उद्देश्यले शैक्षिक तथा खेलकुद सामाग्री वितरण गरिएको धारणा राखे ।
खड्काले सामुदायिक विद्यालयको शैक्षिक गुणस्तरमा सबैले चासो देखाउनु पर्ने बताए ।
खड्काको संयोजकत्व तथा मन्थली नगरपालिका वडा नं ४ का वडाध्यक्ष राजन घिमिरेको प्रमुख आतिथ्यतामा कार्यक्रम भएको हो ।
कक्षा १ देखि कक्षा १०सम्ममा अध्यनरत बिद्यार्थीलाई उक्त सामाग्री वितरण गरिएको हो ।
