काठमाण्डौं- नेपालका विभिन्न भागमा बसोबास गर्दै आएका गर्गगोत्रीय भट्टहरूको वंशावली सोमबार काठमाण्डौंमा लोकार्पण गरिएको छ । गर्गगोत्रीय भट्ट समाजका संयोजक भरतमणी भट्ट र सदस्य नारायणप्रसाद भट्टले एक समारोहका बिच वंशावलीको लोकार्पण गरेका हुन ।
नेपालको पूर्व देखि पश्चिम सम्म छरिएर रहेका गर्गगोत्रीय भट्टहरुको वंशावली सूचिकृत भएको उक्त पुस्तकमा भट्ट वंशको परम्परागत इष्टकुलदेवताको पूजा विधि लगायतका सामाग्री संग्रहित गरिएका छन् ।
कार्यक्रममा पुस्तक प्रकाशक भरतमणी भट्टले गर्ग गोत्रीय भट्टले आफ्नो पूर्खाको बारेमा मोटामोटी जानकारी लिनका लागि वंशावलीले सघाउने वताए । उनले यो शुरुवात भएकाले भावी पुस्ताले यसलाई अझ परिष्कृत गरेर राख्न आग्रह गरे । उनले हरेक थरको वंशावली इतिहासका लागि पनि आवश्यक रहेको वताए । ‘हाम्रो इतिहासबारेमा हामीलाई जानकारी हुनुपर्छ , हाम्रो बारेमा थाहा नहुने तर अरूको इतिहास पढेर बस्ने कुरा हुँदैन ’ उनले भने ।
कार्यक्रमका प्रमुख अतिथि नारायणप्रसाद भट्टले वंशावली अनुसन्धानका लागि श्रोत भएको उल्लेख गरे । यो सानो प्रयासले गर्गगोत्रीय भट्टहरूको वंशको खोजको आधार तयार गरेको छ । पुस्तक प्रकाशनले अबका दिनमा छलफल गर्न सहज भएकाले थप वंशको खोजीका लागि जुट्नु पर्ने उनले वताए । पुस्तकमा डोटी जिल्लाबाट बसाई सरेर पूर्व तिर आएका दुर्लभ भट्ट देखि हाल सम्मका वंशज समेटिएको छ ।
कार्यक्रममा पुस्तकका सम्पादक सुदर्शन भट्ट, गोपीकृष्ण भट्ट, सिताराम भट्ट, टीकाप्रसाद भट्ट र गणेश भट्टले गर्गगोत्रीय भट्टहरूले आफ्ना भाइ बन्धु, बसोबास, संस्कृति र पूजा विधिका बारेमा जानकारी दिन वंशावलीको पुस्तकले ठुलो भूमिका खेल्ने वताए । उनले भोलिका दिनमा थप सृजनशील कार्य गर्दै जानु पर्नेमा उनीहरूको जोड थियो ।
आफ्नो प्रतिकृया दिनुहोस्