रामेछाप- नेपाल विद्यार्थी संघ रामेछापका अध्यक्ष विनोद बुढाथोकीले जिल्ला कार्य समिति विस्तार गरेका छन् । अध्यक्ष बुढाथोकीले शुक्रबार नेविसंघ रामेछापको ११ जना पदाधिकारी सहित २८ सदस्यीय जिल्ला कार्य समिति विस्तार गरेका हुन् ।
विस्तारित जिल्ला कार्य समितिको उपाध्यक्षमा विमल पौडेल, युवराज सुवेदी र नवीन कार्की चयन भएका छन् । त्यस्तै सचिवमा प्रज्वल बुढाथोकी र सरोज श्रेष्ठ चयन भएका छन् भने सहसचिवमा कल्याण खड्का, सुजन घिसिङ, राहुल थापामगर र कमल खत्री चयन भएका छन् । समितिको कोषाध्यक्षमा सुजता सिलवाल र प्रवक्तामा प्रचण्ड सुनुवार चयन भएका छन् ।
सदस्यहरुमा क्रमशः पवन थापा, नारायण थापा, निराजन कार्की, संगिता श्रेष्ठ, देवराज योञ्जन, सुवुना श्रेष्ठ, विपिराज श्रेष्ठ, मनिषा काफ्ले, सुष्मा कटुवाल, रेजिना बुढाथोकी, अनिल लामिछाने, विपिन कार्की, भवानी रम्तेल, विनोद माझी, राम्जी खड्का, निरुता कार्की र कविता खरेल रहेका छन् ।
कार्य समिति विस्तार गरेपछि नेविसंघ रामेछापका अध्यक्ष विनोद बुढाथोकीले अब चाँडै कार्य समितिलाई पूर्णता दिँदै नेविसंघको आगामी अधिवेशनको मिति तोक्ने लगायतका कार्य गर्दै अगाडि बढ्ने बताए । जिल्ला कार्य समितिका पदाधिकारी तथा सदस्यहरुलाई अधिवेशन तयारीको लागि पालिका स्तरीय जिम्मेवारी समेत दिएर चाँडै अधिवेशन गर्ने तर्फ नेविसंघको तयारी रहेको पनि अध्यक्ष बुढाथोकीले बताए ।
बुढाथोकीलाई असोज १७ गते नेविसंघका केन्द्रीय अध्यक्ष दुजाङ शेर्पाले जिल्ला अध्यक्षमा मनोनित गरेका थिए ।
