रामेछाप- ‘तेस्रो सुनापति गाउँपालिका अध्यक्ष कप– २०७८’ प्रतियोगिता चैत्र ५ गते देखि सुरु हुने भएको छ । गाउँपालिकाले शनिवार सदरमुकाम मन्थलीमा पत्रकार सम्मेलान गरी विगत दुई वर्ष देखि संचालनमा रहेको सुनापति गाउँपालिका अध्यक्ष कप प्रतियोगिताको आयोजना यो वर्ष चैत्र ५ गते देखि ८ गते सम्म संचालन हुने बताएको हो ।
पत्रकार सम्मेलनमा पालिकाको खेलकुदसँग सम्बन्धित कार्यक्रमहरुलाई बृद्धी गर्न ‘सुनापति गाँउपालिका अध्यक्ष कप– २०७८’ प्रतियोगित संचालन गर्न लागेको बताउँदै गाउँपालिकाले यो पटक अध्यक्ष कप प्रतियोगिता अन्तरगत जिल्ला स्तरीय अन्तरपालिका पुरुष भलिबल प्रतियोगिता र ब्याडमिन्टन प्रतियोगिता सञ्चालन हुने बताइएको छ ।
जिल्ला स्तरीय अन्तर पालिका प्रतियोगिता अन्तर्गत तेश्रो सुनापति गाउँपालिका अध्यक्ष कपलाई सर्वाधिक पुरस्कार राशीको प्रतियोगिता मानिएको गाउँपालिकाले बताएको छ । गाउँपालिकाका अनुसार प्रतियोगिताको पुरुष भलिबल तर्फ प्रथम पुरस्कार २ लाख रुपैयाँ नगद सहित ट्रफी, मेडल र प्रमाण–पत्र रहेको छ । त्यसैगरी द्धितीय पुरस्कार १ लाख रुपैयाँ नगद, ट्रफी, मेडल र प्रमाण–पत्र र तृतीय पुरस्कार ५० हजार रुपैयाँ नगद, ट्रफी, मेडल र प्रमाण–पत्र रहेको छ भने सान्त्वना पुरस्कार २५ हजार रुपैयाँ नगद सहित ट्रफी र प्रमाण–पत्र रहेको छ ।
पुरुष भलिबल प्रतियोगिता तर्फ सर्वोत्कृष्ट खेलाडीलाई १० हजार रुपैयाँ नगद सहित ट्रफी र प्रमाण–पत्र उपलब्ध गराइने बताइएको छ भने उत्कृष्ट स्पाइकर, उत्कृष्ट सटर, उत्कृष्ट ब्लकर, उत्कृष्ट डिफेण्डर र उत्कृष्ट सर्भरलाई ५/५ हजार नगदको साथमा ट्रफी र प्रमाण–पत्र उपलब्ध गराइने आयोजक गाउँपालिकाले बताएको छ । त्यस्तै प्रशिक्षकलाई जनही ५ नगदको साथमा ट्रफी र प्रमाण–पत्र प्रदान गरिने आयोजकले बताएको छ ।
सुनापति गाउँपालिका अध्यक्ष कप–२०७८ मा पुरुष ब्याडमिन्टन र महिला ब्याडमिन्टन प्रतियोगिता पनि समेटिएको आयोजकले बतएको छ । जिल्ला स्तरीर अन्तर पालिका ब्याडमिन्टन प्रतियोगतामा पुरुषले पुरुषसँग मात्रै र महिलाले महिलासँग मात्रै भिड्न पाउने भएपनि पुरस्कार भने समान रहेको छ ।
ब्याडमिन्टनतर्फ प्रमथ पुरस्कार १५ हजार नगद ट्रफी, मेडल र प्रमाण–पत्र, द्धितीय पुरस्कार १० हजार नगद ट्रफी, मेडल र प्रमाण–पत्र, तृतिय पुरस्कार ५ हजार नगद, ट्रफी, मेडल र प्रमाण–पत्र रहेको छ । त्यसैगरी सान्त्वना हुनेलाई २ हजार ५ सय रुपैयाँ नगद सहित ट्रफि र प्रमाण–पत्र उपलब्ध गराइने आयोजकको भनाई रहेको छ । ब्याडमिन्टनको उत्कृष्ट खेलाडीलाई १ हजार नगद पुरस्कार सहित ट्रफी र प्रमाण–पत्र रहेको आयोजकले बताएको छ । ब्याडमिन्टन प्रतियोगिता तर्फ पुरुष र महिला दुबैले भाग लिन पाउने छन
खेलकुदकै माध्यमबाट गाउँपालिकाको पहिचान बनाउने र भविष्यमा समेत खेलकुदबाटै आर्थिक बृद्धीमा टेवा पुर्याउने उदेश्य सहित आयोजना गर्न लागिएको प्रतियोगिताले सुनापति गाउँपालिकाको पर्यटन प्रवद्र्धनमा समेत सहयोग पुग्ने अपेक्षा राखिएको गाउँपालिका अध्यक्ष धावा लामाले बताए । अध्यक्ष लामाले प्रतियोगितामा सहभागि हुने खेलाडीहरुको समुहको मनोबल बृद्धि गर्नका लागि पालिकाले सहभागि सबै समूहलाई दैनिक भत्ताको समेत ब्यवस्था गरेको जनकारी गराएका छन् । प्रतियोगिताको क्रममा कुनै पनि खेलाडीहरु घाइते भएमा उनीहरुको सम्पूर्ण उपचार समेत गाउँपालिकाले नै गरिदिने ब्यवस्था सहित प्रतियोगिता संचालन हुने अध्यक्ष लामाको भनाई रहेको छ ।
प्रतियोगिताको बारेमा जानकारी गराउँदै सुनापति गाउँपालिका खेलकुद विकास समितिका अध्यक्ष गोविन्द घिमिरेले प्रतियोगितालाई सफल बनाउन सबैको साथ सहयोग आवश्यक रहेको बताउँदै प्रतियोगितामा खेलाडी तथा खेल प्रेमीलाई भाग लिन अनुरोध गरेका छन् । समितिका अध्यक्ष घिमिरेका अनुसार प्रतियोगिता सम्पन्न गर्न २० लाख रकम खर्च हुने छ ।
आफ्नो प्रतिकृया दिनुहोस्