रामेछाप- प्रेस चौतारी नेपाल रामेछापको अध्यक्षमा नवराज श्रेष्ठ निर्वाचित भएका छन् । प्रेस चौतारी नेपाल रामेछापको शनिवार सम्पन्न चौथो जिल्ला अधिवेशनमा श्रेष्ठ निर्विरोध निर्वाचित भएका हुन् । त्यस्तै समितिको खुल्ला उपाध्यक्षमा विष्णु खड्का र समावेशी उपाध्यक्षमा सुमित्रा लामा निर्वाचित भएका छन् । सचिवमा निजोर कुमार थापा, खुल्ला सह–सचिवमा शंकर बरुवाल, समावेशी सह–सचिवमा दीपक लामा र कोषाध्यक्षमा सिता पुरी निर्वाचित भएका छन् ।
त्यसैगरी समितिको सदस्यमा क्रमशः सिर्जना रसाइली, शर्मिला विसुन्खे, नवीना दंगाल र नवराज बिक निर्वाचित भएका छन् ।
अधिवेशनले केन्द्रीय प्रतिनिधिमा पार्वती पाठक, शान्ता श्रेष्ठ र नीरज सापकोटालाई चयन गरेको छ भने प्रदेश प्रतिनिधिमा प्रकाश परिष्कार, प्रज्वल पौडेल, लेखबहादुर बिक र बिन्दिरा रसाइलीलाई चयन गरेको छ ।
प्रेस चौतारी नेपाल रामेछापका निवर्तमान अध्यक्ष युनिक बिफा घिसिङको अध्यक्षता एवं प्रेस चौतारी नेपालका केन्द्रीय अध्यक्ष गणेश बस्नेतको प्रमुख आतिथ्यतामा चौथो जिल्ला सम्पन्न भएको हो ।
