रामेछाप- रामेछापमा थप दुई जनामा कोरोना भाइरस पुष्टि भएको छ । कोरोना भाइरस पुष्टि हुने दुई जना लिखु–४ हाइड्रोपावरमा कार्यरत कामदार हुन् । उनिहरु लिखुतामाकोशी गाउँपालिकाकै स्थानीय भएको स्वास्थ्य कार्यालय रामेछापले बताएको छ ।
बुधबार ६५ जनाको स्वाब संकलन गरी सिन्धुली कोभिड–१९ अस्पतालमा पठाइएका मध्ये दुई जनामा मात्रै कोरोना भाइरस संक्रमण देखिएको स्वास्थ्य कार्यालय रामेछापका जनस्वास्थ्य अधिकृत भुवन थापाले बताए । थापाका अनुसार संक्रमित दुबै जना होम आइसुलेशनमा रहेको छन् ।
शुक्रबार दुई जनालाई संक्रमण पुष्टि भएसँगै रामेछाप जिल्लामा २७ जना कोरोना संक्रमित व्यक्ति सक्रिय रहेका छन् ।
