रामेछाप– रामेछापको गोकुलगंगा गाउँपालिका वडा नं. २ ठोसेमा आगलागीमा परी ज्यान गुमाएका बृद्धका परिवारलाई जिल्ला विपत्त व्यवस्थापन कोषले दुई लाख १५ हजार रुपैया रहात उपलब्ध गराएको छ । कोषका संयोजक एवं प्रमुख जिल्ला अर्जुन कुमार शर्माले शनिबार घट्नास्थलमै पुगेर मृतकका परिवालाई दुई लाख १५ हजार नगद राहत उपलब्ध गराएका हु्न ।
मंगलबार बिहान आफ्नै घरमा सुतीरहेको अवस्थामा आगलागी हुँदा ज्यान गुमाएका ८० वर्षिय पासाङ लेकी शेर्पाको परिवारलाई उनको घरमै पुगेर कोषबाट आगलागीबाट मृत्यु हुँदा पाउँने दुई लाख नगद र घर जलेर नष्ट हुँदा पाउँने १५ हजार गरी दुई लाख १५ हजार नगद उपलब्ध गराईएको प्रजिअ अर्जुन कुमार शर्माले बताए ।
पछिल्लो समयमा जिल्लमा आगलागीका घटना बढ्दै गएको र आगलागीमा परी ज्यान गुमाउनेको संख्या पनि बढ्दै गएकाले आगलागीलाई नियन्त्रण गर्न सबै सचेत हुनु पर्ने प्रजिअ शर्माले बताए । प्रजिअ शर्माले भने– ‘हामीले दैनिक रुपमा प्रयोग गर्ने विद्युतिय सामग्री लापरवाही तरिकाले प्रयोग गर्दा र समय–समयमा वाइरिङ चेकजाँच नगराउँदा, चुरोट खाएर जथाभावी आगोको ठुटो फाल्दा लगायतका काणले आगलागीका घटनाहरु घटेका छन् । जसको कारण मानिसको ज्यानै जाने गरेको छ । यस्ता घटना हुन नदिन आफ्नो घरको विद्युतिय सामग्रीको अवस्था र वाइरिङको अवस्था ठिक भएको निश्चित गर्न सके र राती सुत्ने बेला आगोलाई राम्रोसँग निभाएर सुते यस्ता दुःखद घटना घट्दैनन् थिए । त्यसैले यस्ता घटनालाई न्यूनिकरण गर्न सरोकारवला निकाय र आम सर्वसाधरणले बढी सचेतता अपनाउन जरुरी छ ।’
