रामेछाप– रामेछापको मन्थली नगरपालिका वडा नं ९ पुारानगाउँमा रहेको प्रसिद्ध थानापति महादेव मन्दिरबाट परिक्षणका लागि उडाइएको प्याराग्लाइडिङको परीक्षण सफल भएको छ । वडा कार्यालयको आर्थिक सहयोगमा परीक्षणको लागि पहिलो पटक उडाईएको प्याराग्लाईडिङको परीक्षण सफल भएको हो ।
मन्थली नगरपालिका वडा नं ९ पुरानागाउँका वडाध्यक्ष बुद्धि बहादुर पुलामी मगरका अनुसार विहिबार दिउँसो थानापति महादेव मन्दिरको डाँडाबाट उडाईएको प्याराग्लाईडिङ पुरानागाउँकै फोस्रको देविथान भन्दा मुनी चालिसेमा गएर सफल रुपमा अवतरण भएको छ । दुई पटक उडाईएको प्याराग्लाईडिङ दुई पटक नै सफल रुपमा अवतरण भएपछि भविश्यमा प्याराग्लाईडिङ उडानका लागि उक्त ठाउँ उपयुक्त देखिएको वडाध्यक्ष पुलामीमगरले बताए ।
पर्यटन प्रवद्र्धनका लागि प्याराग्लाईडिङ उडानको सम्भाव्यता अध्ययन गर्न मन्थली नगरपालिकामै पहिलो पटक उडाईएको प्याराग्लाईडिङको पहिलो परीक्षणनै सफल भएको छ वडाध्यक्ष बुद्धि बहादुर पुलामीमगरले भने, ‘यहि उडानबाट तयार परिएको विस्तृत रिपोर्टको आधारमा चाँडै व्यावसायिक उडान शुरु गर्ने छौँ । त्यसपछि यहाँको पर्यटन प्रवद्र्धनमा टेवा पुग्नुका साथै वडाको आर्थिक समृद्धिमा समेत सहयोग पुग्ने लक्ष्य लिएका छौँ ।’
वडाध्यक्ष पुलामी मगरले थपे– ‘नेपालकै प्रसिद्ध थानापति महादेवको दर्शन गर्न आउने पर्यटकहरुले प्याराग्लाईडिङबाट थप दृश्य हेर्दै केही समय आकाशमै रमाउन पाउने गरि आगामी योजना ल्याउनेछौँ । जसले गर्दा यस मन्दिरको प्रचार प्रसार हुनुका साथै आन्तरिक आयआर्जनमा समेत सहयोग पुग्नेछ ।’
स्थानीय सरकारकै सहयोगमा सवारीसाधन पुग्ने र पैदलयात्राबाट समेत यात्रा गर्न सकिने बाटो बनेको थानापनि महादेव मन्दिर विकासको लागि संघीय सरकार र प्रदेश सरकारले सहयोग नगरेपनि वडाकै नेतृत्वले विकास गर्ने वडाध्यक्ष पुलामी मगरको भनाई रहेको छ ।
प्याराग्लाईडिङ पाइलट गोविन्द गुरुङ र लक्ष्मामण रत्न साक्यका अनुसार थानापति डाडाँबाट उडेको प्याराग्लाईडिक सात ठाउँमा अवतरण गर्न सकिने स्थानहरु देखिएकाले तीनै ठाउँहरुलाई आधर मानेर थप रिपोर्ट आउँनेछ ।
भिडियो
