रामेछाप– रामेछापको रामेछाप नगरपालिका वडा नं ५ रामपुरको चारघरे बजार र रामपुर बजारमा सोमबार देखि फ्री वाइफई (इन्टरनेट सेवा) संचालनमा आएको छ । वडा कार्यालयले नागरिकहरुलाई सूचना प्रविधिमा सहज तरिकाले जोड्ने उद्देश्य सहित रामपुरमा रहेका दुई बजारमा निःशुल्क र अन्य केही स्थानमा सशुल्क सहित वाइफई (इन्टरनेट) सेवा संचालनमा ल्याएको हो ।
अहिलेको बदलिदो युगमा सबै नागरिकलाई सूचनामैत्री बनाउने गरी वडामा रहेका विद्यालय र वित्तिय संस्थाको लागि वडा कार्यालयको सहयोगमा इन्टरनेटको व्यबस्था गरिएको वडाध्य भिम बहादुर तामाङले बताउनुभयो । उहाँहले भन्नुभयो– ‘विश्वलाई एकै ठाउँबाट हेर्ने माध्यम नै इन्टरनेट हो, अहिले विद्यार्थीहरुले पढ्ने देखि कार्यालयमा काम गर्दा समेत नभई नहुने इन्टरनेट नहुँदा धेरै कामहरु गर्न नसकिने रैछ । त्यही आवश्यकतालाई महसुस गरेर वडाको खर्चमा इन्टरनेट सेवा उपलब्ध गराएका छौँ । कोरोना महामारीले गर्दा घरमै बसेर इन्टरनेटको माध्यमबाट पढ्ने विद्यार्थीलाई बढी फाइदा पुग्ने अपेक्षा लिएका छौँ ।’
फ्री वाइफई जोन अर्थात चारघरे बजार र रामपुर बजारमा जडान गरिने इन्टरनेटको मासिक शुल्क आफूलाई वडा कार्यलयबाट आउने सेवाशुल्कबाट तिरिदिने वडाध्यक्ष तामाङले बताउनुभयो ।
वडाध्यक्ष तामाङका अनुसार चारघरे बजार, रामपुर बजार, जनता मावि चारघरे, भिमेश्वर मावि रामपुर र रामपुर बचत सहकारी संस्थामा इन्टरनेट जडन गरिसकिएको छ । बाँकी रहेका विद्यालयहरु आवश्यक क्षेत्रमा चाँडै इन्टरनेट विस्तार गरिने पनि वडाध्यक्ष तामाङले बताउनुभयो ।
रामपुरको टावरडाडामा टवार राखेर संचालनमा ल्याइएको अल्ट्रानेट कम्युनिकेशन प्रा.लिको इन्टरनको शुल्क तिरेर जोकोहीले पनि जडान गर्न सकिने छ ।
