कुमार श्रेष्ठ, रामेछाप– रामेछाप जेसिजले कोरोना भाईसका कारण प्रभावित भएका घरपरिवारलाई खाद्यन्न उलब्ध गराएको छ । ‘हुनेले दिएर जाऔ, नहुनेले लिएर जाऔ’ नाम दिएको अभियान अन्तरगत जेसिज रामेछापले मन्थली नगरपालिका वडा नं ४ सालुमा कोरोनाकै कारण बढी प्रभावित भएका १ सय ३५ घरपरिवालाई आइतबार खाद्यन्न उपब्ध गराएको हो ।
दैनिक मजदुरी गरेर आफ्नो परिवारको छाक टार्ने गरेका स्थानीयलाई कोरोना कारण विगत ६ महिना देखिको लकडाउन र निशेधाज्ञले धेरै समस्या पारेको भन्दै त्यस्ता समस्यामा परेका घरपरिवारको पहिचान गरी खाद्यन्न उपलब्ध गराईएको जेसिज रामेछापका कोषाध्यक्ष सन्तोष खत्रीले बताए । उनका अनुसार प्रति परिवार २५ केजीका दरले चामल उपलब्ध गराएको छ ।
कार्यक्रममा बोल्दै मन्थली नगरपालिका वडा नं ४ सालुका वडाध्यक्ष विरेन्द्र बज्राचार्यले आफ्नो वडामा कोरोना भाइरस नियन्त्रणको लागि लगाईएको लकडाउन र त्यसपछिको निशेधाज्ञले समस्यामा परेका स्थानीयलाई गरिएको सहयोगले ठूलो राहत हुने बताए । उनले वडामा अझै पनि त्यस्ता समस्यामा परेका कोही भए वडा कार्यालयमा सम्पर्क गर्न अनुरोध गर्दै त्यस्ता परिवालाई सहयोग गर्ने प्रतिबद्धता व्यक्त गरे ।
कार्यक्रममा जेसिज रामेछापका पदाधिकारीहरु, राजनीतिक दलका प्रतिनिधि, समाजसेवी सामाजिक अगुवा लगायतको सहभागिता रहेको थियो । रामेछाप जेसिजले यस अघि जिल्लामा रक्तदान कार्यक्रम, व्यक्तीगत स्वास्थ्य सामग्री, वृक्षारोपण, किसानलाई कृषि सामग्री वितरण लगायतका कामहरु सम्पन्न गरी सकेको छ ।
आफ्नो प्रतिकृया दिनुहोस्