रामेछाप– गिरिजा प्रसाद कोइराला फाउण्डेशन रामेछापले कार्यसमितिमा एक सचिव र एक सदस्य थप गरेको छ । फाउण्डेशनका जिल्ला अध्यक्ष दीपक खड्काले यस अघि फाण्डेशनको बैठकले गरेको निर्णय अनुसार बुधबार एक सचिब र एक सदस्य थप गर्नुभएको हो ।
जिल्ला कार्य समितिको मिति २०७६ साल चैत्र महिनाको ६ गते बसेको बैठकको निर्णय नं ४ मा उल्लेखित निर्णय अनुसार केही पदाधिकारी तथा सदस्य थप गर्ने निर्णय भए बमोजिम अध्यक्ष खड्काले यादव प्रसाद दाहाललाई सचिव र मञ्जु पुर्वेलाई सदस्यमा रहेर कम गर्ने गरी मनोनित गरिएको बताउनुभयो ।
एक सचिब र एक सदस्य थपिएसँगै अब गिरिजा प्रसाद कोइराला फाउण्डेशनको जिल्ला कार्यसमिति एक अध्यक्ष, एक उपाध्यक्ष, दुई सचिब, एक सहसचिब, एक कोषाध्यक्ष र २१ सदस्य सहित २७ जनाको कार्यसमिति बनेको छ ।
