रामेछाप– जिल्ला प्रहरी कार्यालय रामेछापले सुनकोशी कन्सट्रक्सन नेपाल प्रा.लिलाई सम्मान गरेको छ । जिल्ला प्रहरी कार्यालय रामेछापको भवन निर्माण कार्यमा महत्वपूर्ण सहयोग पु¥याएको भन्दै सुनकोशी कन्सट्रक्सन नेपाल प्रा.लिका प्रवन्ध निर्देशक युवराज भट्टराईलाई प्रहरी महानिरीक्षक शैलेश थापा क्षेत्रीले प्रशंसा–पत्र प्रदान गरेर सम्मान गरेका हुन् ।
भवन उद्घाटन कार्यक्रममा आफ्नो धाराण राख्दै महानिरीक्षक शैलेश थापा क्षेत्रीले सुनकोशी कन्सट्रक्सनले कोरोना भाइरसको महामारीमा पनि काम अवरोध नगरी निर्धारित समयमै सम्पन्न गरेर प्रहरीलाई नयाँ भवनमा राख्ने वातावरण मिलाएकोमा धन्यबाद व्यक्त गरे ।
त्यस्तै महानिरीक्षक थापा क्षेत्रीले सुनकोशी कन्सट्रक्सन नेपाल प्रा.लिका अर्का प्रतिनिधि राजु श्रेष्ठलाई पनि प्रशंसा–पत्र प्रदान गरेर सम्मान गरेका छन् ।
जिल्ला प्रहारी हाता भित्र रहने गरी कार्यालय भवन, ब्यारेक, डाइनिङ हल तथा शौचालय सहितको संरचना निर्माण गर्ने गरी सुनकोशी कन्सट्रक्सन नेपाल प्रा.लिले २०७५ पौष २ गते निर्माणको जिम्मा लिएको थियो । निर्माण कम्पनीले निर्धारित समयमै काम सम्पन्न गरेर फागुन ९ गते जिल्ला प्रहरी कार्यालय रामेछापलाई भवन जिम्मा लगाएको छ ।
