रामेछाप – उमेदवारका लागि जिल्लाबाट नाम सिफारीस गर्ने बेलामा आकांक्षि नभएपनि पार्टीको निर्णय चित्त नवुझाएर प्रतिनिधि सभा सदस्य पदमा स्वतन्त्र उमेदवारी दिएका रामेछापका ४ जनाले आफ्नो प्रचार प्रसार तिव्र वनाउन सकेका छैनन् । आवेग र उक्साहटमा लागेर उमेदवार वनेकाहरु निर्वाचनमा विजय हुने कुरामा आशावादी पनि छैनन् । केहिले मुख्य उमेदवार हराउनका लागि आफ्नो ध्यान केन्द्रीत गरेका छन् ,तर उनिहरु आफैलाई पनि मुख्य उम्मेदवारलाई हराउन सकिनेमा विश्वास लागेको छैन ।
प्रतिनिधिसभा सदस्य पदका लागि यस पटक स्वतन्त्र उमेदवारी दर्ता गराउनेको संख्या ४ जनानै विगतमा कुनै तहमा निर्वाचित व्यक्ति हैनन् । उनिहरुको लामो राजनीतिक ईतिहास समेत छैन् ।
चार मध्ये सैपु घर भएका चन्द्र राउतले यस पटक पार्टीका आधिकारीक उमेदवार विरुद्ध स्वतन्त्र उमेदवार दिएका छन् । उनी २०७४ को स्थानीय निर्वाचनमा नेपाली काँग्रेसबाट लिखु तामाकोशी गाउंपालिकामा भारी मतान्तरले पराजित भएका थिए । त्यस अघी कांग्रेसका क्षेत्रीय सभापतिमा हार वेहोरेका उनी पछि सवै जिल्लाका नेताको सदासयताले जिल्ला सचिवमा निर्वाचित भएका थिए । सचिवको कार्यकाल सकेपछि उनी जलविद्युत आयोजना तर्फ लागेका थिए ।
अर्का उमेदावार आङओङ्वा लामा प्रिती निवासी हुन । गएको स्थानीय निर्वाचनमा वडामा हारेका लामा यस अघी कहिल्यै पनि निर्वाचन छिचोलेका नेता हैनन् । उनी लहैलहैमा लागेर स्वतन्त्र उमेदवारी दिनेमा पर्छन् । निर्वाचनको दिन आईसक्दा उनी कता छन् जिल्लाबासीलाई थाहा छैन् । स्थानीय तह बन्नु अघी सर्वदलिय संंयन्त्रमा नेकपा माओवादी केन्द्रका तर्फबाट प्रतिनिधित्व गर्ने रामकुमार लामा पनि यस पटक प्रतिनिधिसभा सदस्य पदमा स्वतन्त्र उमेदवार छन् । पार्टी हित विपरितको काम गरेको भन्दै यस अघीनै माओवादी केन्द्रले उनलाई कारवाहि गरेको थियो । पार्टी संगठन भित्र त्यति धेरै प्रभाव नराख्ने उनी पनि यस अघी कुनै तहमा निर्वाचनमा भाग नलिएका नेता हुन । उनको आधार क्षेत्र बेथानमा पनि उनको प्रभाव देखिएको छैन । माओवादी केन्द्र र कांग्रेस गठवन्धनको अघी वेथानमा लामाको कुनै प्रभाव नहुनुले पनि उनको उमेदवारीले खासै असर नगर्ने वताइएको छ ।
स्वतन्त्र उमेदवारी दिने चौथा व्यक्ति हुन् विक्रम राना । विक्रम राना यस अघी कहिले राप्रपा कहिले माओवादीमा चहारिरहने व्यक्ति हुन । ति दुवै दलमा हुदा उनको प्रभाव देखिएको छैन् । त्यसैले पनि गठवन्धनका प्रभावशालि उमेदवार पूर्णवहादुर तामाङ (कान्छााराम) लाई स्वतन्त्रको मतले खासै असर पुग्ने देखिदैन । स्वतन्त्रले एमालेको पनि भोट काट्ने भएको निर्वाचनमा हिडेका कार्यकर्ताको वुझाई छ । विगतको निर्वाचनमा आएको परिणामलाई हेर्दा पनि स्वतन्त्र र अन्य साना दललाई मतदाताले रुचाएको देखिदैन् । ठुला दलका प्रतिस्पर्धी सगैं दाजिएर उमेदवारी दिने र प्रचारमा हिड्नेले पनि विगतमा उल्लेख्य मत पाएका छैनन् ।
२०७४ सालको प्रतिनिधि सभा सदस्य पदमा माओवादी र एमाले मिलेर वनेको गठवन्धनले विजयी हासिल गरेको थियो । माओवादी केन्द्रका उमेदवार श्यामकुमार श्रेष्ठले ४२ हजार १ सय १७ मत ल्याउदा नेपाली कांग्रेसका उमेदवार पूर्णवहादुर तामाङ (कान्छाराम) ले ३५ हजार ७ सय ७१ मत पाएका थिए । तर तेश्रो हुने नेकपा मालेका उमेदवार मोहन कार्कीले जम्मा ३ हजार २ सय ८५ मत पाएका थिए । र सवैभन्दा थोरै मत पाउने उमेदवार लिवरल डेमोक्रेटीक पार्टीका विजय गोले थिए । गोलेले जम्मा ४८ मत पाएका थिए । अहिले पनि केहि साना दल चुनावी मैदानमा छन् । तर तिनको हालत पनि पहिलेको भन्दा भिन्न छैन् । मतदाताहरु काँग्रेस, एमाले र माओवादीकै नेताहरुमा आशा भएकाले उनीहरुकै बारेमा चासो र लेखाजोखामा रहेका पाईन्छन ।
विगतको निर्वाचनको नतिजा लाई केलाउने हो भने मुख्य प्रतिस्पर्धा दुई ठुला दलका विचनै हुने हो । यस पटक कांग्रेस र माओवादी विचको गठवन्धन हुनुले यस पटक कान्छारामको विजय हुने कुरामा कार्यकर्ताहरु ढुक्क छन् । एमालेका कैलाश प्रसाद ढुंगेल कान्छारामको प्रतिस्पर्धी हुन । २०७४ भन्दा अघिको निर्वाचनमा माओवादी र एमालेको मत जोड्दा कांग्रेस भन्दा २९ हजार मत बढी थियो । तर कान्छारामले त्यो मतान्तरलाई घटाएर ६ हजार हाराहारीमा झारेका थिए । अहिले त तेश्रो ठुलो प्रभावशालि दल माओवादी केन्द्र कान्छारामको साथमा रहेकोले उनले जित्ने दावि कार्यकर्ताहरुको छ ।
